သဘာဝအတိုင်းကုိုယ်အလေးချိန်ကျဆင်းစေမယ့် နည်းလမ်းကောင်းတွေကဘာတွေပါလိမ့်?

Shares 0

သင့်ခန္ဓာကိုယ်ထဲအဆီပိုတွေကိုသဘာဝအတိုင်းဖယ်ရှားပေးနိုင်မယ့်နည်းလမ်းကောင်းလေးတွေကိုပြောပြပေးချင်ပါတယ်။ဒီနည်းလမ်းတွေကသင်သိပြီးသားအရာတွေလည်းဖြစ်နိုင်ပါတယ်။ “သိပြီးသား၊ဘာမှထူးခြားမလာဘူး”ဆိုတာ သေချာလိုက်မလုပ်ကြသေးလို့ပါ။ သေချာလိုက်လုပ်တဲ့သူတွေကတော့  သိသာထင်ရှားတဲ့အကျိုးရလဒ်တွေကို ပိုင်ဆိုင်ရမှာပါ။ဘာတွေလဲဆိုတော့…

၁။အရက်လျှော့သောက်ပါ

ကိုယ်အလေးချိန်တက်နေတယ်ဆိုတဲ့ ယောက်ျားလေးရော၊မိန်းကလေးပါ အရက်သောက်တတ်တဲ့ သူတွေဆိုရင် ဒီနေ့ကစပြီးမသောက်ပဲနေကြည့်ပါ။ မဖြစ်မနေမှသာသောက်ပေးပါ။အရက်က ကယ်လိုရီများစွာပါဝင်တာကြောင့် ကိုယ်အလေးချိန်တက်လာစေပါတယ်။သင်သာ စိတ်ကိုပြောင်းလဲလိုက်မယ်ဆိုရင်သင့်ရဲ့ ကိုယ်အလေးချိန်ကလည်းသိသာစွာပြောင်းလဲ လာတာကိုမြင်ရပါလိမ့်မယ်။

၂။ည၉နာရီကျော်ရင် ဘာမှမစားပါနဲ့

ညနေစာစားချိန်ကို ၇နာရီခွဲလောက်ပုံမှန်စားပေးရင်ညအိပ်ခါနီးဗိုက်ဆာတာမျိုးမဖြစ်စေပါဘူး။ ၉နာရီကျော်မှအစာစားမယ်ဆိုရင်အစာခြေဖျက်ဖို့ခက်ခဲတာကြောင့် အဆီပိုတွေအဖြစ် ကျန်နေပါလိမ့်မယ်။နောက်ကျမှအစာစားတာက စိတ်ဖိစီးမှုကိုလည်းပိုဖြစ်စေပါတယ်။

၃။ရေများများသောက်ပါ

ရေများများသောက်တာက အသားအရည်ကြည်လင်စေသလိုခန္ဓာကိုယ်ထဲက အဆိပ် အတောက်တွေပါဖယ်ရှားပေးပါတယ်။ရေများများသောက်ထားတဲ့အတွက် အစာ စားတဲ့အခါမှာလည်း နည်းနည်းသာစားဖြစ်ပါတော့တယ်။ တစ်ခါတစ်လေဗိုက်ဆာသလို ခံစားရတာက တကယ်တမ်းရေသောက်ဖို့လိုအပ်နေတာပါ။ တစ်နေ့ကို ဖန်ခွက် ၈ခွက်စာ ပုံမှန်သောက်ပေးသင့်ပါတယ်။

၎။အိပ်ရေး၀၀အိပ်ပါ

အိပ်ရေးပျက်တာများလေ စိတ်ဖိစီးမှုများလေဖြစ်ပြီး ကိုယ်အလေးချိန်ကို ပိုပြီးတက်လာစေပါတယ်။ သွေးလည်ပတ်မှုတွေမညီညွတ်တော့တဲ့အတွက်နေထိုင်မကောင်း လည်းဖြစ်စေပါတယ်။ တစ်နေ့ကို ၆နာရီကနေ ၈နာရီပြည့်အောင်အိပ်စက်ပေးသင့်ပါတယ်။

၅။ကျန်းမာရေးနဲ့ညီညွတ်တဲ့အစားအစာကိုစားပါ။

သင့်ရဲ့ မနက်ခင်းကို ပရိုတင်းဓာတ်ပြည့်ဝတဲ့အစားအစာနဲ့စတင်လိုက်ပါ။ဒိန်ချဉ်ကလည်းသင့်ရဲ့ အစာစားချင်စိတ်ကိုလျှော့ချပေးနိုင်သလို တစ်နေ့တာလုံးလန်းဆန်းနေစေပါတယ်။ နံနက်စာကအဓိကအရေးကြီးတဲ့အချက်ပါပဲ။

၆။ပုံမှန်လေ့ကျင့်ခန်းလုပ်ပါ

ကိုယ်အလေးချိန်လျှော့ချဖို့အတွက်အချိန်တွေအများကြီးအကုန်ခံပြီးလေ့ကျင့်ခန်းလုပ်စရာမလိုပါဘူး။နာရီဝက်လောက်ခန္ဓာကိုယ်သွေးလည်ပတ်မှုမျှတအောင်၊ချွေးထွက်အောင်လုပ်ပေးရုံပါပဲ။ မနက်စောစောထပြီး နာရီဝက်လောက်လေ့ကျင့်ခန်းလုပ်ပေးမယ်ဆိုရင် ကိုယ်အလေးချိန်ကို ပိုပြီးလျှော့ချပေးနိုင်ပါတယ်။

Shares 0
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *