ဆယ်လ်မွန်ငါး၏ အကျိုးကျေးဇူး

salmon_fish.jpg
Shares 0

            အဆီများတဲ့ငါးမျိုး (ဥပမာ- ဆယ်လ်မွန်၊ ငါးကွမ်းရှပ်) တို့လို ငါးမျိုးကို စားပေးခြင်းက လူကိုအကျိုးပြုပါတယ်။ ဆယ်လ်မွန်ငါးကို တစ်ပတ်လျှင် တစ်ကြိမ်စားပေးခြင်းဖြင့် အဆစ်အမြစ် ရောင်ရမ်းခြင်းနှင့်ပတ်သက်သော ရောဂါများကို သက်သာပျောက်ကင်း စေပါတယ်။ ပင်လယ်ငါးကြီးလို ငါးမျိုးကလဲ အလားတူအကျိုးရှိပါတယ်။

          အိုမီဂါ-၃ အဆီအက်ဆစ်ဓါတ်က အဆီများတဲ့ငါးတွေမှာ ပမာဏအများဆုံး ပါဝင်ပါတယ်။ ဒီလိုငါးမျိုးတစ်ပိုင်းလောက်ကို တစ်ပတ်တစ်ကြိမ် ပုံမှန်(၁၀)နှစ်လောက် စားပေးခြင်းက အဆစ်မြစ်ရောင်ရမ်းနာကျင်ခြင်း ရောဂါကို ပျောက်ကင်းစေနိုင်ပါတယ်။ အသက်အလတ်ပိုင်းနဲ့ သက်ကြီးပိုင်းအမျိုးသမီးတွေမှာ ဒီလိုရောဂါမျိုးအဖြစ်များပါတယ်။

           ဆွီဒင်နိုင်ငံ Annal of the Rheumatic Diseases က ၁၉၁၄ နဲ့ ၁၉၄၈ ခုနှစ်အတွင်းမှာ မွေးတဲ့အမျိုးသမီး ၃၂၀၀ ကို သုတေသနပြုခဲ့ပါတယ်။ ဒီအဖွဲ့က ၁၉၈၇ ခုနှစ်ကနေ ၁၉၉၇ ခုနှစ်အထိ (၁၀)နှစ်တာအတွင်း အဲဒီအမျိုးသမီးတွေရဲ့ အစားအသောက် ပုံစံကို လေ့လာတဲ့အခါ ဆယ်လ်မွန်လိုငါးမျိုး စားလေ့ရှိတဲ့ ၂၀၅ ဦးသော အမျိုးသမီးတွေမှာသာ အဆစ်အမြစ်ရောင်ရောဂါ ဖြစ်ပွားနှုန်းလျော့နည်းတာကို တွေ့ရပါတယ်။ ဆေးလိပ် ၊ အရက်သောက်လေ့ရှိတဲ့ အမျိုးသမီးများအတွက်လဲ ဒီလိုငါးမျိုး စားပေးခြင်းဖြင့် အရွယ်ရင့်ခြင်းကို ၅၂ ရာခိုင်နှုန်းလောက် လျော့ချပေးပါတယ်။ 

           အင်္ဂလန်နဲ့ ဝေလနိုင်ငံမှ အမျိုးသား၊ အမျိုးသမီးပေါင်း ၅၈၀၀၀၀ ဦးတို့ဟာ အဆစ်တွေနဲ့ ဆက်စပ်ရာနေရာတွေမှာ နာကျင်မှုကို ခံစားနေကြရပါတယ်။ လေ့လာကြည့်တဲ့ အခါ ဒါဟာ အိုမီဂါ-၃ ဖက်ဆီးအက်ဆစ် ပြတ်လတ်နေတဲ့အတွက် လှုပ်ရှားလိုက်တဲ့အခါ အရိုးဆက်နေရာတွေမှာ လောင်ကျွမ်းသွားတာပဲဖြစ်ပါတယ်။

          ခန္ဓာကိုယ်ရဲ့ ဘယ်နေရာကမှ ဒီအဆီကို မရရှိနိုင်တဲ့အတွက် အကောင်းဆုံး အရင်းအမြစ် ဖြစ်တဲ့ ငါးကွမ်းရှပ်၊ ပင်လယ်ငါးသလောက်၊ ဆယ်လ်မွန်ငါး၊ ငါးသေတာ ငါးကလေးမျိုး စတာတွေ စားသုံးခြင်းဖြင့် အဆစ်အမြစ်ကိုက်ခဲ ရောင်ရမ်းခြင်းရောဂါကို ကြိုတင်ကာကွယ်နိုင်ပါတယ်။

Ref:mailonline

 

Shares 0
Trend Myanmar Team မှ စီစဉ်တင်ဆက်သော trend.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Leave a Reply

Your email address will not be published. Required fields are marked *